Фактчекnews | Facebook хабарҳои қалбакӣ дар бораи коронавирусро тоза мекунад

0
296
Facebook зидди коронавирус
АКС: 3dnews.ru

Facebook изҳор дошт, ки хабарҳои қалбакӣ дар бораи паҳншавии коронавирус дар шабакаҳои иҷтимоиро тоза хоҳад кард. Дар ин бора дар саҳифаи расмии ширкат гуфта мешавад.

«Шабакаи ҷаҳонии далелсанҷони мо дар ин самт кори худро бо роҳи баррасии муҳтаво ва фош кардани иддаои бардурӯғ, ки бар зидди коронавирус паҳн мешавад, идома медиҳад. Вақте онҳо хабарро бардурӯғ меҳисобанд, мо паҳнкунии онро дар Facebook ва Instagram маҳдуд месозем ва ба мардум маълумоти дақиқро пешниҳод менамоем. Инчунин, мо ба шахсоне, ки қаблан паҳн кардаанд ё талош доранд, ки ин муҳтаворо мубодила кунанд, барои огоҳ намудан аз асли воқеият, далели дақиқро мефиристем»,- гуфта мешавад дар изҳорот.

Ҳамзамон, гузориш дода мешавад, ки муҳтаво бо иддаои бардурӯғ низ пок карда мешавад. Дар ин ҳолат, баҳодиҳии созмонҳои байналмилалӣ ё маҳаллӣ дар соҳаи тандурустӣ ба инобат гирифта мешавад. Масалан, маълумоти нодуруст дар бораи усулҳои табобат ё пешгирии коронавирус хориҷ карда мешаванд.


Журналист-далелсанҷ ва медиа-тренер. Мутахассис оид ба медиаи нав. Ҳаммуассиси нахустин платформаи далелсанҷии Тоҷикистон Factcheck.tj ва платформаи иттилоотии ZiraMedia.
Дастпарвари шӯъбаи рӯзноманигорӣ ва назарияи тарҷумаи факултаи филологияи тоҷики Донишгоҳи давлатии Хуҷанд ба номи академик Бобоҷон Ғафуров (2003-2008). Таҷрибаи журналистии худро дар ВАО расман аз соли 2007 оғоз кардааст. Дар бахши рӯзноманигорӣ таҷрибаи 15-сола ва ҳамчун медиа-тренер таҷрибаи беш аз 5-сола дорад.
Аз соли 2012 ба таҳқиқоти журналистӣ ва аз соли 2014 бо журналистикаи чандрасонаӣ машғул аст.
Феълан, сармуҳаррири сомонаи Factcheck.tj мебошад.

Шарҳи худро гузоред