Фактчекnews | Facebook ба «Reuters» барои далелсанҷӣ маблағ медиҳад

0
337
Reuters&Facebook
АКС: Techcrunch.com

Facebook ба хабаргузории «Reuters» барои далелсанҷии воқеии «Deepfake»-ҳо маблағ пардохт хоҳад кард. Ҳоло ҳеч кас ҳаҷми маблағро ифшо накардааст, аммо «Reuters» аллакай як гурӯҳи алоҳидаи муҳаррирон иборат аз 4 нафарро ташкил кардааст. Инчунин, бахши вижаеро таҳти унвони «Reuters Fact Check» эълон намудааст, ки он ҷо дар бораи лоиҳаи мазкур маълумот пайдо кардан мумкин аст.

Бо маблағи Facebook, хабаргузории «Reuters» аксу наворҳои аз ҷониби корбарон ва муҳаррирон дар саҳифаҳои хабарӣ боршуда мавриди санҷиш қарор мегиранд. Барои ин муҳаррирон алгоритми махсуси амалҳоро доранд.

Ҳам кормандони Facebook ва ҳам дастаи «Reuters», хабарҳои қалбакӣ ё чизи ба қалбакӣ монандро ҷустуҷӯ хоҳанд кард. Тамоми таҳлили маводи қалбакӣ дар бахши «Fact Check» нашр карда мешавад. Бар асоси ин иттилоот, шабакаи иҷтимоӣ маводро ҳамчун қалбакӣ ба қайд мегирад ва паҳни онҳоро паст мекунад, то фарогирии он кам гардад.

Манбаъ: TechCrunch


Журналист-далелсанҷ ва медиа-тренер. Мутахассис оид ба медиаи нав. Ҳаммуассиси нахустин платформаи далелсанҷии Тоҷикистон Factcheck.tj ва платформаи иттилоотии ZiraMedia.
Дастпарвари шӯъбаи рӯзноманигорӣ ва назарияи тарҷумаи факултаи филологияи тоҷики Донишгоҳи давлатии Хуҷанд ба номи академик Бобоҷон Ғафуров (2003-2008). Таҷрибаи журналистии худро дар ВАО расман аз соли 2007 оғоз кардааст. Дар бахши рӯзноманигорӣ таҷрибаи 15-сола ва ҳамчун медиа-тренер таҷрибаи беш аз 5-сола дорад.
Аз соли 2012 ба таҳқиқоти журналистӣ ва аз соли 2014 бо журналистикаи чандрасонаӣ машғул аст.
Феълан, сармуҳаррири сомонаи Factcheck.tj мебошад.

Шарҳи худро гузоред