Дарси 1 | Кор бо Archive.Today

0
164
Дарси 1. Кор бо Archive.Today
АКС: Pixabay

Archive.Today – яке аз муҳимтарин захираҳои онлайние мебошад, ки тавассути он маводи интернетиро метавон бойгонӣ (архив) кард. Зарурати бойгонӣ кардани маводи интернетӣ дар он аст, ки дар сурати тоза ё пок карда шудан ва ё тағйир додани дилхоҳ маводи интернетӣ, нусхаи аслии маводи бойгоникардашуда дигар карда намешавад.

  • Мавод: бойгонӣ (архив)
  • Вазифа: ҳифз кардани дилхоҳ маводи интернетӣ
  • Абзор: Archive.Today

Қадами 1

Абзори «Archive.today»-ро боз мекунем.

Қадами 2

Маводе, ки бойгонӣ кардан мехоҳем, тавассути ҷустори Google ба дилхоҳ сомона ворид шуда, яке аз маводи онро интихоб мекунем. Бо пайдо кардани маводи зарурӣ, пайванд ё истиноди маводи интихобшударо нусхабардорӣ менамоем.

Қадами 3 ва 4

Пайванде, ки нусхабардорӣ кардем, онро дар ҷустори аввали абзор, ки барои ҳифз кардан бо ранги сурх ҷудо карда шудааст, мегузорем ва тугмаи «ҳифз» («сохранить»)-ро пахш мекунем.

Қадами 5

Баъд аз пахш кардани тугмаи «ҳифз», каме интизор мешавем, то маводи мо пурра ҳифз шавад… Пайванди кӯтоҳу боэътимодро, ки абзори Archive.today дар натиҷаи бойгонӣ кардани маводи мо ҳосил мекунад, онро нусхабардорӣ намуда, дар алоҳидагӣ нигоҳ медорем.

Навори омӯзишии мазкур бо кӯмаки мардуми Амрико, ки тавассути Оҷонсии ИМА оид ба рушди байналмилалӣ расонида мешавад ва дар чаҳорчӯбаи лоиҳаи MediaCAMP, ки аз ҷониби Internews бо дастгирии молиявии USAID амалӣ мегардад, омода шудааст. ТҶ «Равзана» барои муҳтавои ин нашрия масъул буда, шарт нест, ки он мавқеи USAID ё Ҳукумати ИМА ё Internews-ро инъикос намояд.


Ба Telegram-канали мо обуна шавед ва танҳо маълумоти боэътимодро ба даст оред!

Журналист-далелсанҷ ва медиа-тренер. Мутахассис оид ба медиаи нав. Ҳаммуассиси нахустин платформаи далелсанҷии Тоҷикистон Factcheck.tj ва платформаи иттилоотии ZiraMedia.
Дастпарвари шӯъбаи рӯзноманигорӣ ва назарияи тарҷумаи факултаи филологияи тоҷики Донишгоҳи давлатии Хуҷанд ба номи академик Бобоҷон Ғафуров (2003-2008). Таҷрибаи журналистии худро дар ВАО расман аз соли 2007 оғоз кардааст. Дар бахши рӯзноманигорӣ таҷрибаи 15-сола ва ҳамчун медиа-тренер таҷрибаи беш аз 5-сола дорад.
Аз соли 2012 ба таҳқиқоти журналистӣ ва аз соли 2014 бо журналистикаи чандрасонаӣ машғул аст.
Феълан, сармуҳаррири сомонаи Factcheck.tj мебошад.

Шарҳи худро гузоред