Фейк | Facebook маълумоти шахсии шуморо оммавӣ мегардонад

1
401
Фейк | Facebook маълумоти шахсии шуморо оммавӣ мегардонад
АКС: Facebook

Чӣ санҷида шуд?

Тайи чанд рӯзи ахир дар Facebook хабару паёмакҳои гуногуне нашру паҳн шуда истодааст (бойгонӣ), ки гӯиё ин шабакаи иҷтимоӣ қоидаи наверо ҷорӣ кардан дорад ва тибқи он, мехоҳад аксу маълумоти шахсии корбаронашро оммавӣ гардонад.

Ин хабар бо чунин мазмун ба забони русӣ дар гардиш аст:

«Друзья из FB, не забывайте, что с завтрашнего дня, несмотря на шок вокруг covid 19, в Facebook начинается новое правило, согласно которому ваши фотографии могут быть использованы. Помните, что срок публикации Вашего недовольства по поводу этого использования или возможного неправильного использования – сегодня! Они могут быть использованы в исках против тебя. Все, что ты опубликовывал, когда-либо, может стать открытым и публичным.

Даже если сообщения были удалены…».

Ин хабар байни корбарони Facebook васеъ паҳн гашта, дар идомаи он аз корбарон даъват карда мешавад, ки матлаби мазкурро бо нусхабардорӣ дар саҳифаҳои худ ҷой диҳанд, то маълумоти шахсии онҳо «ҳифз шаванд».

Ҳукмнома: Фейк

Чунин хабарҳо бори аввал нест, ки дар олами маҷозӣ аз тарафи корбарони шабакаҳои иҷтимоӣ ба таври густурда паҳн мешаванд. Аз ин рӯ, далелсанҷон ин матлабро мавриди санҷиш қарор доданд ва маълум карданд, ки чаро ин фейк аст.

Чӣ гуна санҷида шуд?

Шабакаи иҷтимоии Facebook дар бахши «Шартҳои истифодабарӣ» («Пользовательское соглашение»), дақиқан дар банди дуюми ин бахш возеҳ шарҳ додааст: «Мо маълумоти шахсии шуморо ба касе пешкаш намекунем, агар худи шумо барои ин ба мо иҷозат надода бошед».

Гузашта аз ин, ҳар як корбари Facebook тавассути саҳифаи шахсияш метавонад, маълумоти зарурии хешро махфӣ нигоҳ дорад ва ё онро оммавӣ гардонад. Ҳамчунин, дар бахши «Сиёсати истифодабарии маълумот» («Политика использования данных») шабакаи мазкур ба корбаронаш имкон додааст, ки тамоми маълумоти саҳифаи худро идора кунанд.

Ҷустуҷӯйҳои мо нишон дод, ки ин овозаҳо ҳанӯз соли 2012 пайдо шудаанд. Дар ин бора бори нахуст хабаргузориҳои амрикоии ABC News (бойгонӣ) ва Snopes (бойгонӣ) иттилоъ дода, бофта будани онро собит кардаанд.

Хабаргузории The Bell низ соли 2019 доир ба овозаи мазкур далелсанҷии вижае анҷом дода, муфассал шарҳ додааст, ки хабари мазкур фейк аст (бойгонӣ).

Хулоса

Санҷиши мо муайян кард, ки овозаҳо дар мавриди истифода ва оммависозии маълумоти шахсии корбарони Facebook аз ҷониби ин шабакаи иҷтимоӣ баъд аз ҷорӣ намудани қоидаи нав, бепоя аст. Зеро, иддаои дар ин матлаб овардашуда асоси худро наёфтанд ва хулосаи далелсанҷии мо «Фейк»-ро гирифт.


Агар шумо ба дурустии ягон хабар шубҳае дошта бошед ва мехоҳед, ки онро барои санҷиш ба мо фиристед, пас аз шакли зерин истифода баред:

Ба Telegram-канали мо обуна шавед ва танҳо маълумоти боэътимодро ба даст оред!


Муфассалтар бо ҳукмномаҳои мо ва тафсироти онҳо метавонед дар саҳифаи «Ҷадвали ҳукмномаҳо» шинос шавед. Дар ҳолати норозигӣ бо ҳукмномаҳои баровардаи мо нисбати ягон мавод, хабар ё суханони санҷидаи мо, метавонед дар тамос шуда, исботи нодурустии онро пешкаш намоед. Дар ҳолати зарурӣ имконияти бозбинии ҳукмномаҳо вуҷуд дорад.

Журналист, блогер, медиа-тренер ва далелсанҷ. Сармуҳаррири сомонаи Factcheck.tj. Соли 2008 Донишгоҳи давлатии Хуҷанд ба номи академик Бобоҷон Ғафуровро бо ихтисоси "журналист" хатм намудааст. Таҷрибаи кориро дар ВАО соли 2007 оғоз намудааст. Аз соли 2012 бо гузародани таҳқиқотҳои журналистӣ машғул шуда, аз соли 2014 дар ҷодаи журналистикаи чандрасонаӣ фаъолият мебарад.

Соли 2017 Донишгоҳи давлатии Хуҷанд ба номи академик Б. Ғафуровро хатм кардааст. Аз соли 2013 бо ВАО ҳамкорӣ дорад. Журналисти мустақил. Иштирокчии якчанд семинару тренингҳо оид ба санҷиши далелҳо.

1 шарҳ

Leave a Reply